書展 2007

迫呀~ 衝呀~ 殺呀~

星期六的下午
情況其實已經比想像中好 =p

折扣唔係多，只係20% off，
但點解咁多人帶o急帶箱去o既?

花花呀喂

一個地方 兩個場景 兩種心情

沙灘傍的餐廳
T載著我來吃生日飯
談著近況
鼻塞 眼腫 味覺都失靈了

餐廳外的沙灘
挽著YJ到來
滿天星斗下
感受著涼冰冰的沙粒
聽著潮漲潮退
甜蜜又平靜

離開時再望了望未打烊的餐廳

謝謝YJ
給我改寫了這地方的回憶

無雷公之行

與烏龜生日的第1個正式 デート。公眾假期的關係，終於可以去到無雷公 =p

正當嘆緊檸檬汁 & 鹹檸七時，風雲變色，沙灘上雞飛狗走。好彩一早霸左個靚位，有瓦遮頭仲可以欣賞雨景 ^^

《烏龜與蝸牛》的葉壹堂

29062007.102 ^^

上茶館

包兄約飲茶，地點正是阿虎介紹過的雙魚茶館。

3小時喝了8種茶。安德白片、宋種單欉、蜜香單欉、鐵觀音、大紅袍、千兩、普洱散茶?+我的沱茶。

當中最喜歡2種單欉，難怪虎小姐如此入迷。時間關係未試到包兄的白雞冠，不然可以與大紅袍拚一拚 ^^

看著辣椒小姐優雅地泡茶，心想：幾時可以學到佢咁？

下：(前) 大紅袍 (後) 宋種單欉->

太多事

隨著時間 會慢慢變淡

朋友之間
情感之間
蝸牛與烏龜之間

一切一切
不用想太多

花開堪折直須折

Nancy師姐說這是她飲茶以後最深的體會。靚的新鮮茶葉，就算用幾好的器皿保存，香氣都會漸漸散失，空有形而無味，好不浪費。不如在它最香最靚的時候沖幾泡好茶，至少飲過都不至可惜。雖然老土，不過很有道理呢~

真係?

好笑~~ 今早同老朋友M傾開，見到以前吊兒郎當的佢，依家收心養性，將女朋友放第1位，覺得好得意，送左一句"終於覺得你都係好男人"比佢。佢都回敬返我：

你呀...我估你都會係一個幾好的老婆...但會煩d...要成日都理下你呀...逗下你... 但家務又唔使預你....你只係煮...

哈哈哈！係咩？或者我第日連煮都懶呀~~ 呵呵呵 =p

豆腐集

最近在圖書館借來的一本書。

雖然不愛書中以老嫗說故事的方式把篇章貫聯起來，不過書的內容是蠻豐富的。布包豆腐、軟豆腐、硬豆腐、炸豆腐、炸豆卜、豆漿、豆腐花、臭豆腐、腐乳的製作，圖文並茂。又有訪問，豆腐名菜的做法和由來。

一個幾毫的背後，原來充滿了心血、汗水、經驗和功夫。對豆腐是多了一份好感。

人人都話日本豆腐豆味香，唔知佢又點整？有冇書睇? 又話石膏粉食得多無益，用鹽滷埋花又多工夫，如果用東洋的苦汁代替，中國豆腐又會變成點? 點解豆腐花咁好食，又冇日本豆腐花呢? 不如去日本賣豆腐花lor... 愈想愈遠添...

茶上癮

茶初班已經上了第4課，最初學茶是為了健康養生，現在已愈來愈喜歡這玩意。不少人學茶是為了減壓，對於一向沒多大壓力的我，愛搗亂的朋友不時會問，你又上來做咩呢？Hey~~~ 我人燥呀，好多野都睇唔順眼，心底總是很多牢騷。而茶本身的味道、香氣、都令人好放鬆，看著慢條斯理的泡茶過程也是一種享受。淨係睇我地7點半上堂到9點半放學又試過，10點又試過，連11點先走都試過，就知上茶班真係好hea。

不過世俗人始終係世俗人，一聽到$$，成對耳豎起晒。成日聽到d人話炒普洱，好貴好貴，即係有幾貴呢？一個88青餅，一星期前K小姐睇過6千大洋，前晚再睇已經標價9k，唔係掛‧‧‧K小姐老細請佢飲過的藍印青餅，要28k，至於被翠翠讚到會飛的紅印，盛惠80k，仲話試過飲C傅沖完廿泡隔埋夜的紅印都仲好好飲喎，又一次聽到O晒咀。

繼整餅後，我又開始迷上左呢d要儲埋大大堆工具的玩意。問題係我呢個3分鐘人又維持到幾耐呢？呢樣我都唔知。我淨係知，我已經患左荷包萎縮症‧‧‧